World Tamil Blog Aggregator Thendral: 2022

Tuesday, 7 June 2022

பெண்

மூளைச்சலவையை
மனத்தடையை உடைப்பது 
என்பது இடிபாடுகளில் சிக்கிய உடலை பிய்த்தெடுப்பது போல..
சமூகத்தினைப் புரட்டிப் போடும்
நெம்புகோலென கிளம்பியவள்,
எதிர்கொள்கிறாள்
சிற்றீசல்களின் கணைகளை.
குடும்பத்தை விட்டு சுத்துறியே
சமைப்பது எப்போது?
புள்ளக்குட்டியெல்லாம் மறந்து
அலையுது பாரு!
இதெல்லாம் தேவையா?
போய் பூவச்சி புடவையை கட்டி
பொம்பளயா லட்சணமா இரு!
அகராதி புடிச்சது
எதற்கெடுத்தாலும் கேள்வி கேட்கும்!
ஊட்டுக்காரன் கேட்கவே மாட்டான் போல!
சரி, நமக்கு வசப்படுமான்னு பார்ப்போம்!
மெல்லத் திரும்பி காலணித்தூசைத் 
தட்டிவிட்டு புன்னகைத்து கடக்கிறாள்
எரிமலைத்துண்டாய்..

Monday, 18 April 2022

விதையாக

எங்கு வாழ்ந்தாலும் 
வேர்ஊன்றி வளரும்
விதையாக,
ஆதி விதை
 வாழ்ந்த இடம் நோக்கிப்
படரும் கொடியாக,
அன்பெனும் கனிசுமந்து
அள்ளித்தரும் மாரியாய்,
கருணை சுரந்து உயிர்களைக் 
காணும் விழிகளுக்கு
"யாதும் ஊரே யாவரும் கேளிர்"