ஏன் செய்யல நாம்?

ஏன் செய்யல நாம்?

 கேரள மக்கள் தங்களின் பாரம்பரிய நடனமான கதக்களி மற்றும் களரி விளையாட்டை சுற்றுலாப்பயணிகள் கண்டு ரசிக்கும் வகையில் ,தங்களது பண்பாட்டை உலகு அறியச்செய்யும் வகையில்,சுற்றுலாத்தலமான மூனாறில் ஏற்பாடு செய்துள்ளதுள்ளனர்.

 அமெரிக்காவில் இசையரங்கில் மதிப்பிற்குரிய இசைஞானி இளையராஜா அவர்கள். இசையமைக்கும் பொழுது .ஒரு இசைக்கு மட்டும் அனைவரும் எழுந்து நடனமாடியதாகக் கூறியிருந்ததைப் படித்துள்ளேன்.

 அது என்ன இசை ?என அனைவரும் கேட்கையில் தமிழ்நாட்டின் பாரம்பரிய இசையான பறை என பெருமையாகக்கூறினாராம்..

 உலகமே வியக்கும் ,ஆட வைக்கும் நமது பண்பாட்டினைக்கூறும் நமது பறை  இசையை துக்க வீட்டிற்கு ஒதுக்கி? நம்மை நாமே இழிவு படுத்தும் நிலை எப்போது ஏற்பட்டது.?                                                

 நமது பாரம்பரியக்கலைகளைக்கற்றுக்கொள்ள ஜப்பானிலிருந்து இரு பெண்கள் இன்று சென்னை வந்துள்ளனர்.

அவர்கள் சென்ற முறை வந்த போது பறை இசையை கற்று சென்றுள்ளனர். தற்போது ஒயிலாட்டம்,போன்ற கலைகளை அறிந்து கொள்ள திண்டுக்கல் வருகின்றனர்.

நமது கலைகளின் பெருமைகளை வெளிநாட்டினர் உணர்ந்துள்ள அளவு நாம் உணர்ந்துள்ளோமா என்பது வருத்தத்தை தரும் ஒன்றாகவே உள்ளது.

 நம் நாட்டில் உள்ள சுற்றுலாத்தளங்களில் இதற்கு ஏற்பாடுகள் செய்ய முடியுமா?
 பரதநாட்டியமே தமிழ்நாட்டுக்கலையாக படங்களில் உள்ளதை எந்தவித எதிர்ப்பும் இன்றியே சகித்துக்கொண்டுள்ளோம்.


 உண்மையில் நம் இசை என்ன என்பதைஅறிய வேண்டாமா?
நம் கலைகளை மீட்டெடுக்க வேண்டாமா?
 இதையெல்லாம் யார் செய்வது?