எர்னஸ்ட் ஹெமிங்வேயின் ----கடலும் கிழவனும்-

எர்னஸ்ட் ஹெமிங்வேயின் ----கடலும் கிழவனும்-

நோபல் பரிசு பெற்ற அமெரிக்க நாவல் தமிழில் ச.து.சு.யோகியார்.

15.12.14அன்று  கங்குலில்சென்னையிலிருந்து புதுகை நோக்கிய தொடர்வண்டிப்பயணம்...மெதுவாய் அந்தி மறைந்து பூமியை இருள் போர்வையால் இயற்கை மூடும் தருணம்...பறவைகளின் கீதம் மெதுவாய் குறைய ...வயல்களில் கூட்டமாய் எழும்பிப்பறந்தன நாரைகளின் கூட்டம் வெண்மேகமாய்..
விதவிதமான குரல்கள்...கோபம்,மகிழ்ச்சி,அரட்டை என ...கலவையான மனநிலையில் ...ஒருகணம் புத்தகத்தில் மூழ்க முடிவெடுத்து கடலும் கிழவனும் நாவலைப் படிக்கத் துவங்கினேன்...தரைப்பயணத்திலிருந்து..கடல் பயணத்துக்கு அழைத்துச்சென்று இன்னும் கடலுக்குள்ளேயே என்னை மூழ்கடித்த அந்த எழுத்தின் வன்மையை என்ன சொல்ல...அணுஅணுவாய்....கிழவன் தன்னோடு தானே உரையாடுவது ,மீனோடு உரையாடுவது,இயற்கையோடு உரையாடுவது என ஒரு நாவலையே படைத்து அதற்கு நோபல் பரிசும் கிடைத்துள்ளதென்றால் அதன் சிறப்பு அளவிட முடியாதது..

கடலும் கிழவனும்-கதையில்




வளைகுடாக்கடலில் மீன் பிடித்து தனித்து வாழும் சாந்தியகா கிழவன் பற்றிய கதை..கிழவனின் வீரம் .அவனது .84 நாட்களாக கடலுக்குச்சென்றும் மீன் கிடைக்காமல் தன்னுடன் துணைக்கு வந்த சிறுவனையும் அவன் பெற்றோர் தடுத்ததால் விட்டுவிட்டு கடலுக்கு மீன் பிடிக்கச்செல்கின்றான்...அங்கு நீண்ட தூரப்பயணத்திற்குப்பின் ஒரு மிகப்பெரிய மீன் ஒன்று. அவனது படகை விட நீளமான மீன் சிக்க அதை கொல்லமுடியாமல் அதன் போக்கிலேயே அலைக்கழிக்கவிட்டு 3 நாட்கள் போராட்டத்திற்கு பின் அதை கொன்று படகோடு கட்டி பெருமிதத்தோடு வரும் வழியிலேயே சுறாமீன்களுக்கு அப்பெரிய மீனை இரையாக்கி வெறும் மீனின் எலும்புக்கூட்டுடன் வீட்டுக்குத்திரும்பும் அவனது நைந்த உடலும் மனதும் பட்டபாடுகளையு ,படும்பாடுகளையும் மிக அருமையாக கூறி கண்முன் வாழவிடுகின்றார் ஆசிரியர்...சிறுவனுக்கும் கிழவனுக்கும் இடையேயான நட்பு மிக நுண்மையானதாக அமைந்துள்ளது...

கிழவனுக்கு பேஸ்பந்து விளையாட்டில் உள்ள ஆர்வம் பல இடங்களில் காணமுடிகின்றது...
சிக்கலான நேரங்களில் தனக்குத்தானே ஆறுதலும் தன்னம்பிக்கையும் கொடுத்துக்கொண்டு போராடுவது மிகவும் கவர்கின்றது.

மீன்கள் பற்றிய அழகான புரிதலை நாவல் கொடுக்கின்றது.

கடலில் கிழவனோடும்,மீனோடும்  நம்மையும் பயணிக்கவைக்கின்றது.

அனைவரும் படிக்க வேண்டிய நாவலாக கடலும் கிழவனும்