அத்தனை வேகத்துடனும் பிடிவாதத்துடனும்.
உலகே கைவிட்ட மனதோடு செல்பவளின்
கரம்தொட பறந்து செல்கிறேன்.
அவளின் பறத்தல் வேகமானது.
உடைந்த மனதை ஒட்டும் சொற்களைத் தாங்கி விரைகிறேன்..
சில்லுக்கண்ணாடி மனதுடன்
குருதி வடிய செல்பவளை
சில நொடிகள் காணாது
குலைகிறேன்..
இத்தனை வீரியம் காட்டுபவள்
சற்று பொறுத்திருந்தால் கரம் பிடித்திருப்பேனெனக்கதறுகிறேன்...
விநாடிகளைத்தொலைத்தவளாய்.
மரணத்தைக்காதலித்தவளை
கண்டால் கரம் கொடுங்கள்..
