மகளிர் தினம்1-2016

மகளிர் தினம் -------------------------------
 புதுகை பேருந்து நிலையத்தில்
வெள்ளரிப்பிஞ்சு விற்கின்றாள்
முள்ளூர் ஊராட்சி மன்ற தலைவி..
அவள் கையெழுத்தும் தலையெழுத்தும்
கணவனால் எழுதப்பட்டுக்கொண்டு..

 பெண்களைச் சுரண்டிப்பார்க்கும்
ஆண்வர்க்கம் பார்த்தீனியச் செடிகளென நாடெங்கும்.
 எத்தனை மசோதா இயற்றினாலும்
 மகளிர் மசோதா மட்டும்
 வாய்தா வாங்கிக்கொண்டே....

சமையல், குழந்தை பொறுப்பை
ஏற்க மறுக்கும்
ஆணினம் தொடர்ந்து
பெண்களைக்குறைகூறிக்கொண்டே...

 மகளைக்கெடுத்த தந்தைக்கு அபராதமும்
மகளுக்கு தண்டனையும் இந்தியாவில் தான். 
தெளிவான பெண்ணினம்
 ஒன்றிணையும் நாளே
உண்மையான மகளிர் தினம்...

 அழகென்பது தெளிவான சிந்தனையில் அமைந்துள்ளதென்பதை வருங்காலத்தலைமுறைக்கு உணர்த்துவோம்....இந்நன்னாளில்... பயமில்லா இந்தியாவில் பெண்கள் வாழ வழிசெய்வோம்