bloggers meet- வலைப்பதிவர் திருவிழா-5

விழாப்பணிகளில் விழாமல்

விழா ஏற்பாடுகள் சிறப்பாக ஒருவரை ஒருவர் கேட்காமலும் கேட்டும்...நடந்து கொண்டுள்ளன ..கண் முன் இப்படிதான் விழா நடக்கப்போகிறது என்பது காட்சியாய் விரியத்துவங்கி விட்டது....

பங்கேற்ப்போர் பட்டியல் டி.டி.சாரின் உதவியுடன் தயாராகிக்கொண்டுள்ளது.

உணவு ஏற்பாட்டுக்கு சகோதரி ஜெயா தயாராகி விட்டார்கள்..முடிந்தால் இன்னுமொரு வயிறு எடுத்துக்கொண்டு வாருங்கள்...உபசரிப்பில் அவர்களை மிஞ்ச ஆள் இதுவரை பிறக்க வில்லை....


முன் கூட்டியே வருபவர்களை வரவேற்க  செல்வாவும் வைகறையும் காத்திருக்கின்றனர்...முன் ஏற்பாடுகளை அவர்களிடமே கலந்தாலோசிக்க வேண்டியிருக்கும்...

கையேட்டுக்கான பணிகளில் சகோதரர் கஸ்தூரி ரங்கனும்,மலையப்பன் ஆசிரியரும்  மூழ்கி விட்டனர்.

கவிதை சேகரிப்பில் தங்கை மைதிலியும் ,வைகறையும் மூழ்க..கவிதைகளை கண்காட்சியாக்கும் பணியில் ஸ்டாலின்,நீலா,சுரேஷ்மான்யாவுடன் ஓவியர்கள் அடங்கியக்குழு திரண்டு விட்டது...

புத்தகங்களை நினைவுப்பரிசாக அளிக்க சேகரிக்கும் பணியை வைகறை தனியொரு ஆளாகவே நின்று முடித்துவிட்டார்.

தங்களுக்கு கொடுக்கப்பட்ட பணிகளை அனைவரும் செவ்வனே செய்து கொண்டுள்ளனர்...

பதிவர் வருகைப்பதிவு விரைவில் முடிந்தால் திட்டமிடலுக்கு மிகவும் வசதியாக இருக்கும்....

விழாவில் கலந்து கொள்பவர்களுக்கு கைநிறைய அள்ளிப்போகும் படி பரிசுகள்,அன்பளிப்புகள் வழங்க மிகுந்த ஆவலோடு இருக்கின்றோம்....

நிதியில் உங்களின் பங்களிப்பையும் அளித்து கொண்டுள்ளதை அறிந்து மிக்க மகிழ்ச்சி..தொடர்ந்து உங்கள் ஆதரவை வரவேற்கிறோம்...