எப்படி காப்பாற்ற போகிறோம்?

எப்படி காப்பாற்ற போகிறோம்?

 என்ன செய்யறதுன்னே தெரியல...அவன சமாளிக்க முடியல...கொஞ்ச நாள் ஒழுங்கா ,சமத்து பிள்ளையா இருக்கான்..அப்ப பார்க்கும் போது அவன போல நல்ல பிள்ளை யாருமே இல்லன்னு தோணும்.

 நாலு நாளா அவன் படுத்துற பாடு தாங்க முடியல.புதுசா வாங்கிக்கொடுத்த வண்டிய காணும்..என்னாச்சுன்னு தெரியல..

 அவனே சம்பாரிச்சு வாங்குன பத்தாயிரம் ரூபாய் செல்லை ஆயிரம் ரூபாய்க்கு அடகு வச்சுட்டான்.

 இரண்டு முறை மறுவாழ்வு மையத்திற்கு கூட்டி போயிட்டு வந்துட்டோம்...இப்ப கூட வண்டிய எடுத்துட்டு போயிட்டான் .எப்படி வருவான்னு தெரியல...

 என்ன பண்றதுன்னு தெரியலன்னு என் தோழி கலங்கிய போது .. 

இவர்களைப்போல் சொல்ல முடியாது கலங்கி நிற்கும் பெற்றோர்களின் எண்ணிக்கை அதிகமாகிக்கொண்டு உள்ளதை உணர முடிகின்றது.

 இதுபோல் திருமணம் ஆகாத மதுவிற்கு அடிமையான ஒரு சமூகம் உருவாகியுள்ளதை எப்படி மாற்றப்போகின்றோம்...

இவர்களால் உருவாகும் அடுத்த தலைமுறை எப்படி இருக்கும்னு அடிவயிற்றை பிசையும் வலியை உணர்ந்தேன்..

 இவர்களை திருமணம் செய்து கொள்ளும் பெண்களின் கதி?

 நம் குழந்தைகள் நம் கையை விட்டு போய்விட்டார்களோ..

எங்கு தோற்றுப்போனோம்?

 பார்வையாளர்களாய் அநீதிகளைக்கண்டும் காணாதது போல் செல்வதன் விளைவை நாம் தான் அறுவடை செய்கின்றோம்..